Forkynning av klager og vedtak
Husleigetvistutvalet må sørge for at klagen og vedtaket blir gjort tilgjengeleg for deg. Dette kallar vi forkynning.
Korleis forkynning skjer
Forkynning ved brev
Forkynning til privatpersonar skjer vanlegvis med digital post, der vi mottar ei stadfesting frå Digipost eller e-Boks om at dokumenta er mottatt og opna.
Nokre gongar skjer forkynning i vanleg brev, med ein frist for å sende ei stadfesting (mottakskvittering) tilbake til oss.
For verksemder skjer forkynning med digital post til Altinn, med ein frist for å sende ei stadfesting (mottakskvittering) tilbake til oss.
Forkynning ved stevnevitne
Viss vi ikkje mottar ei stadfesting på at klagen eller vedtaket er mottatt, kan vi be stemnevitnet (politiet) om å forkynne dokumenta for partane. Politiet kan då oppsøke parten heime eller på arbeidsplassen.
Forkynning ved kunngjering
Dersom stemnevitnet ikkje får klagen eller vedtaket forkynt, kan dokumenta forkynnast ved kunngjering. Klager blir kunngjorte i ei avis i området der parten sist budde eller oppheldt seg, i Norsk Lysingsblad og ved oppslag på kontoret til Husleigetvistutvalet. Vedtak blir kunngjorte ved oppslag på kontoret.
Norsk Lysingsblad er ei nettside som er til for å publisere informasjon om forskjellige klagesaker og liknande.
Får du tilsendt andre dokument i saka, krev vi ikkje at du stadfestar at du har mottatt dokumenta.