Framleige - kan leigetakaren leige ut bustaden til andre?

Framleige betyr at leigetakar vidareutleiger bustaden til andre. Dette inneber at leigetakar, som framleiger, inngår eit eige kontraktsforhold med ein ny leigetakar i tillegg til den avtalen leigetakar har med utleigar.

Hovudregelen er at framleige ikkje er tillatt utan godkjenning frå utleigar.

Leigetakar kan likevel framleige:

• ein del av bustaden
• ved mellombels fråvær i inntil to år
• ved tidsbestemt kontrakt

Leigetakar må i desse tilfella ha godkjenning frå utleier. Utleigar kan likevel berre nekte godkjenning viss han har sakleg grunn til å nekte akkurat denne framleigetakaren, eller viss bustaden blir klart overbefolka.

Eksempel: Dersom den som leigetakar ønsker å leige ut til (framleigetakar) har dårlege referansar, kan utleigar nekte framleige.

Leigeforholdet til utleigar blir ikkje avslutta ved ei framleigekontrakt. Den nye leigetakaren er forplikta ovanfor leigetakaren som framleiger. Leigetakaren som framleiger er fortsatt forplikta ovarfor utleigaren.

I praksis inneber dette at dersom den nye leigetakaren ikkje betalar leige, så er også den som har framleigd ansvarleg overfor utleigaren for betaling av leige.