Utleigar krev pengar i tillegg til leiga
Krev utleigar pengar i tillegg til husleiga? Husleigelova har reglar for kva utleigar kan krevje at du betalar.
Sjekk leigekontrakten
I leigekontrakten står det gjerne kva du skal betale i leige og når leiga skal betalast. I nokre leiekontrakter står det også kva som er inkludert i leiga.
Viss det er avtalt at du skal betale tillegg for f.eks. straum, står dette vanlegvis i leigekontrakten.
Kva kan utleigar krevje?
Partane kan avtale at leigetakar skal betale for sin del av forbruket til straum, vatn og avløp. Andre tillegg til leiga vil vere i strid med lova.
Eksempel
Utleigar kan ikkje krevje at du betalar ekstra for internett. Viss utleigar ønsker at du dekker utgifter til internett, må dette vere inkludert i den avtalte husleiga.
Utleigar kan derimot velje å ikkje tilby tv eller internett. Du må i tilfelle opprette eige abonnement om du ønskjer å ha tv og internett i bustaden.
Kva kan utleigar krevje at leigetakar betalar? Husleigelova § 3-1 Husleigelova § 3-4
