Bustaden har skadar ved utflytting
Har bustaden fått skadar i leigeperioden?
Nokre gongar oppdagar utleigar skadar på bustaden ved tilbakelevering. Ofte er partane ueinige om kven som er ansvarleg for skadane, eller omfanget av dei og kva utbedring vil koste.
Viss bustaden blir tilbakelevert med skadar eller manglar kan utleigar krevje erstatning for nødvendige utgifter til utbetring.
Husleigelova § 10-3 I kva stand må bustaden vere ved tilbakelevering?Viss utleigar meiner å ha eit krav mot leigetakar, er det viktig at utleigar innan rimeleg tid (normalt innen 14 dagar) sender melding til leigetakar om kva skade eller mangel det gjeld og kva han krev. Meldinga kan sendast i posten, per e-post eller SMS. Veit ikkje utleigar kva utbetring vil koste, kan han skrive at han vil presisere beløpet seinare.
I tilfelle det skulle oppstå ueinigheit, bør partane ta bilde av bustaden. Utleigar bør spare på kvitteringar og fakturaer viss han utbedrar skadar.
Viss leigetakar ikkje aksepterer kravet frå utleigar, kan utleigar sende inn ein klage til Husleigetvistutvalet med krav om erstatning for skadene.
Send inn klageAndre ueinigheiter som kan oppstå
Alle ueinigheiterRelaterte artiklar
Det løner seg å skrive protokoll ved innflytting og utflytting
Utleigar og leigetakar bør ha ein felles gjennomgang av bustaden både ved innflytting og utflytting, og fylle ut ein overtakingsprotokoll.
Når leigetakar nektar å flytte ut
Leigetakar er forplikta til å flytte når leigetida eller oppseiingstida er utløpt.
Erstatning for leigetap
Leigetap vil seie tapte leigeinntekter i ein periode der utleigar normalt kunne forventa å få inn leige. Utleigar kan ha krav på erstatning for leigetap.